Абай облысындағы Бестерек ауылында балаларды қағып кеткен 55 жастағы ер адамға сот үкімі шықты. Оқиға салдарынан 4 бала көз жұмған болатын, деп хабарлайды inbusiness.kz сайты.
Сот ер адамды кінәлі деп танып, оны 9 жылға бас бостандығынан айырды. Сондай-ақ ол 7 жылға көлік құралын басқару құқығынан айырылды. Айыпталушы қауіпсіздігі барынша төмен мекемеде жазасын өтейді.
Бұдан бөлек сот балаларынан айырылған отбасылардың азаматтық талабын қанағаттандырды. Ер адам оларға 50 млн теңге көлемінде моральдық зиянды өтеуге міндеттелді.
Үкім заңды күшіне енген жоқ.
Айта кету керек, бұған дейін Бестеректе 6 баланы қағып кеткен жүргізушінің ұлы кешірім сұрағанын жазғанбыз.
Қайғылы оқиға осы жылдың тамыз айында болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
