Голливуд актері Вэл Килмердің қайтыс болғанын қызы Мерседес хабарлады, деп жазады inbusiness.kz сайты.
"Бэтмен мәңгілік" және The Doors фильмдеріндегі рөлдерімен танымал 65 жастағы америкалық актер кеше кешке Лос-Анджелесте отбасы мен достарының ортасында көз жұмған.
2014 жылы оған көмей ісігі диагнозы қойылған-ды. Бірақ актер бұл ауруды жеңе білген.
Килмер 1959 жылы Лос-Анджелесте дүние есігін ашқан. Ол мансабында театр актері ретінде танылды. Ал алып экрандағы серпілісін 1984 жылғы "Өте құпия!" тыңшылық комедиясымен жасады. Бір жылдан соң "Нағыз гений" комедиясы арқылы атағы шықты.
"Бэтменді" сомдаған актер одан соң Том Крузбен бірге "Үздік мерген" фильміне де түсті. 1990 жылдары Голливудтағы ең жоғары ақы төленетін актерлердің бірі саналды. Оливер Стоунның фильмінде The Doors тобының жетекшісі Джим Моррисонның, 1993 жылы "Бэтмен мәңгілік" фильмінде басты кейіпкер Бэтмен рөлін ойдағыдай алып шықты.