Нысана көздеуде қателікке бой алдырмаған француз 12 шақырымды 39 минутта бағындырды. Жеңімпаздан 28 секундқа қалып қойған Норвегия елінің өкілі Тарей Бе күміс жүлде ұтып алса, қола медаль ресейлік Эдуард Латыповқа бұйырды.
Қазақстан спортшысы Александр Мухин үздіктер қатарынан көріне алмады. Нысана көздеуде 8 рет қателескен отандасымыз 57-орынға табан тіреді.
Бұрымды спортшылар жарысында Норвегия елінің өкілі Марте Ройселан олимпиада ойындарындағы үшінші алтын жүлдесіне қол жеткізді. Швеция елінен келген Эльвира Обер екінші орын алса, 3-ші сатыға Ройселанның отандасы Тирил Экхофф көтерілді. Қазақстан спортшысы Галина Вишнеская 52-орынды қанағат тұтты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
