Әлем кубогі кезеңіне қатысатын Қазақстан командасында коронавирус жұқтырғандар бар екені анықталды. Бұл туралы халықаралық биатлоншылар одағы хабарлайды, деп жазды olympic.kz.
Тестілеу әлем кубогінің бесінші кезеңінде өткізілген. Сондай-ақ, Ресей, Чехия және Норвегия командаларында да коронавирус жұқтырғандар тіркелді.
"IBU жүйелі түрде жарыс қатысушыларын SARS-CoV-2 ПТР тестінен өткізеді. Оберхофтағы (Германия) әлем кубогінде де тестілеу жүргізіліп, 4 адамнан оң нәтиже табылды. Зардап шеккендер қатарында Қазақстан, Норвегия, Ресей және Чехия Республикасының өкілдері бар. Команда мүшелері тез арада жағдайдан хабардар болып, оқшауланды. Оберхофтағы жергілікті денсаулық сақтау органдары SARS-CoV-2 ПТР тестінің оң нәтижесіне орай келесі шешімді қабылдады: - Қазақстан командасының өкілі және онымен байланысқа түскен екі адам шұғыл оқшауланды. Спортшылар зардап шеккен жоқ", – деп жазылған хабарламада.
Қазақстан командасының спортшылары тапсырған SARS-CoV-2 ПТР тесті теріс нәтиже көрсеткен.
