BigONE Investment Corporation халықаралық криптобиржасы қаржылық активтер мен инвестицияларды басқару жөніндегі жетекші қазақстандық компания SkyBridge Digital Finance-пен серіктестік орнатқаны туралы қуана хабарлайды, деп жазады inbusiness.kz сайты.
Екі компания да нарыққа жаңа өтімділікті енгізе отырып, Қазақстанда цифрлық активтерді басқару сервистері мен крипто-брокерлік қызметтерді ілгерілетуге ұмтылады. API интеграциясы арқылы SkyBridge активтермен қамтамасыз етілген криптовалюталар мен токендерді сатып алу-сату бойынша BigONE қызметтеріне қол жеткізуді жеңілдетеді.
BigONE – Сингапурда орналасқан және қауіпсіздігі мен қолайлы қызметтерімен танымал криптовалюта биржасы. Компания командасы пайдаланушыларға криптовалюта тақырыбын сенімді меңгеруге көмектесіп, цифрлық дәуірде олардың мүмкіндіктерін кеңейтуді мақсат етеді.
Қазақстандағы қызметі аясында биржа жергілікті қаржы нарығы туралы кең білімі бар активтерді басқару жөніндегі беделді SkyBridge фирмасымен серіктестік қарым-қатынас орнатты. SkyBridge дәстүрлі және цифрлық активтерді біріктіріп, клиенттеріне қаржылық технологиядан пайда табуға мүмкіндік береді.
"SkyBridge-пен серіктестігіміз Қазақстандағы цифрлық активтер нарығын дамытудың жаңа кезеңін белгілейді. Ол қаржы саласындағы инновацияларға деген ортақ бейілділігімізді көрсетеді және елдің қаржылық ландшафтын түбірімен өзгертуге арналған", – деп атап өтті BigONE Investment Corporation биржасының бас директоры Тянь Юнбинь.
"Бұл ынтымақтастық қазақстандық бөлшек инвесторлар үшін жаңа мүмкіндіктер туғызып, блокчейндегі активтермен ашық түрде өзара іс-қимыл жасауға және әділ пайда алуға мүмкіндік береді", – деп қосты SkyBridge Digital Finance компаниясының аға атқарушы директоры Замира Сүндетова.
