DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 279,62 Brent 36,55
Билікте ауыс-түйіс басталды

Билікте ауыс-түйіс басталды

Президент әкімшілігінің басшысы ауысты.

18 Қыркүйек 2019 21:10 1109

Билікте ауыс-түйіс басталды

Бұл қызметті шілде айынан бері атқарып келген Қырымбек Көшербаев  орнын Ерлан Қошановқа босатып берді. 57 жастағы Ерлан Жақанұлы 2017 жылдан бастан бастап, Қарағанды облысының әкімі лауазымын атқарып келген. Қырымбек Көшербаев, әрине, жұмыссыз қалған жоқ. Ол бірден мемлекеттік хатшы болып тағайындалды. 

Ал бұл лауазымды соңғы 2 жылдан бері Марат Тәжин атқарған еді. Ол басқа жұмысқа ауысуына байланысты қызметінен босатылды. Оның қайта кеткені әзірге белгісіз. Сондай-ақ, Қарағанды облысының жаңа әкімі де әлі тағайындалған жоқ. Бұған қоса, Бейбіт Атамқұлов Индустрия және инфрақұрылымдық даму министрі қызметіне тағайындалды.

Ал бұл ведомствоны басқарған Роман Скляр Премьер-Министрі орынбасарының міндетін атқармақ. Бұдан өзге, енді Сыртқы істер министрлігін Мұхтар Тілеуберді басқарады. Биліктегі ауыс-түйіске қатысты саясаттанушы Расул Жұмалы өз ойын ортаға салды.

inbusiness.kz-ті қараңыз, оқыңыз :

Марат Тәжин III дәрежелі Барыс орденімен марапатталды

«Барыс» ордені 1999 жылы бекітілген. Бұл орденмен сіңірген ерекше еңбегі үшін марапатталады.  

29 Сәуір 2020 09:28 200

Марат Тәжин III дәрежелі Барыс орденімен марапатталды

Мемлекет басшысының Жарлығымен мемлекеттік қызметтегі, мемлекеттер арасындағы достық қатынастарды нығайтуға қосқан айрықша үлесі үшін Қазақстан Республикасының Чехия Республикасындағы Төтенше және Өкілетті Елшісі Марат Мұханбетқазыұлы Тәжин ІІІ дәрежелі «Барыс» орденімен марапатталды, деп хабарлады СІМ баспасөз қызметі.

«Барыс» ордені 1999 жылы бекітілген. Бұл орденмен сіңірген ерекше еңбегі үшін марапатталады: Қазақстан Республикасының мемлекеттілігі мен егемендігін нығайту ісінде; бейбітшілікті қамтамасыз етуде, қоғам мен Қазақстан халқының бірлігін шоғырландыруда; мемлекеттік, өндірістік, ғылыми қызметте жүргізіледі.

Ақылы жолдардан жыл сайын қанша қаржы жиналатыны айтылды

Қазіргі уақытта, ақылы жолдардың ұзақтығы 682 шақырымға дейін артты.

22 Қазан 2019 10:32 246

Ақылы жолдардан жыл сайын қанша қаржы жиналатыны айтылды

Ақылы жолдардан жыл сайын жиналатын қаржы 4 млрд теңгеден асты. Бұл туралы үкімет отырысында «Нұрлы жол» бағдарламасының іске асу барысын талқылау кезінде ҚР индустрия және инфрақұрылымдық даму министрі Бейбіт Атамқұлов мәлім етті, деп хабарлайды ҚазАқпарат.

«2013 жылы ұзақтығы 211 шақырым болатын «Нұр-Сұлтан – Щучинск» алғашқы ақылы автожолы қолданысқа енгізілді, сол учаскеде жылына 1 млрд теңгеден астам қаражат жиналады, ол осы учаскені күтіп ұстау шығынының орнын толтырады. Қазіргі уақытта, ақылы жолдардың ұзақтығы 682 шақырымға дейін артты («Нұр-Сұлтан – Щучинск» (211 км), «Нұр-Сұлтан – Теміртау» (134 км), «Алматы – Қапшағай» (42 км), «Алматы – Қорғас» (295 км) және жыл сайынғы жиналатын қаражат 4 млрд теңгеден астам болады. Бұл осы ақылы учаскелерді күтіп ұстауда бюджетті үнемдеуге мүмкіндік береді», – деді министр.

Оның сөзіне қарағанда, автожолды пайдаланушыларға сапалы жол бойындағы сервиспен қамтамасыз ету мақсатында қолданыстағы 1 822 нысанның 1 мыңы Ұлттық стандартқа сәйкестендірілді. Бюджет және жеке капитал есебінен қосымша 73 нысан салынды. Бұл жұмыстар алдағы уақытта одан әрі жүргізілетін болады.

Жаңалықтарға жазылу: