Бұған дейін сайтымызда "Елорда мектептері 20 мың теңгенің партасын 53 мыңға алмақ болған" деген мақала жарияланған болатын. Осы мақалада жазылған деректерге байланысты Нұр-Сұлтан қаласы әкімдігінің Білім басқармасы жауап берді.
"Нұр-Сұлтан қаласының білім беру мекемелері (мектептер) жеке заңды тұлға ретінде мемлекеттік сатып алу порталында сатып алу бойынша өз беттерінше (сатып алудың тәсілін, бағасын, көлемін анықтайды) шешім қабылдап жұмыс атқарады. "Нұр-Сұлтан қаласы Білім басқармасы" ММ білім беру мекемелерін (мектептерді) бюджеттік әкімшілігі ретінде әр мектепті жан басына қаржыландырады (БҒМ 27.11.2017 ж. №597,597 бұйрықтары), ал бюджеттік қаржыландыруды әр мектеп жеке заңды тұлға ретінде игереді, осы себептен әр мектеп тапсырыс беруші ретінде мемлекеттік сатып алу порталында жұмыс істейді", – делінген хабарламада
Сондай-ақ білім басқармасы парта мен орындық және А4 форматты қағаздың қаншаға сатып алуға болатынын мәлімдеген.
"Ағымдағы жылы білім беру мекемелері (мектептер) парта және парта/орындық жиынтықтарын біліктілік алдын ала таңдау конкурс (конкурс с предварительным квалификационным отбором) және бағалы ұсыныстарға сұраным тәсілдері арқылық өткізген Білім басқармасының жүргізген талдауы бойынша жасалған шарттардағы партаның сомасы 7000-14000 тг., парта/орындық жиынтықтарының сомасы – 10000-23000 тг., орындықтардың сомасы – 5000-9000 тг. аралығын құрайды.
Ал, Білім басқармасының ағымдағы жылы алған кеңсе қондырғысына қажетті А4 форматты қағаздың бір бумасын ұсыныстарға сұраным тәсілі арқылы 1284,64 тг. алды, жоспарда 1672 тг. болған".
