Әкімшілік полиция комитеті төрағасының орынбасары Жандос Мұратәлиевтің мәлімдеуінше, іс барысында 1 223 қиылыстан өту ережесін бұзу, 1 415 жаяу жүргінші өткелінен өту ережесін сақтамау, 1 348 балаларды тасымалдау ережесін аяқ асты ету, 507 маршруттық көліктің тоқтау ережесіне қарсы келу фактісі тіркелді, деп хабарлайды inbusiness.kz.
"Іс-шара барысында жол және коммуналдық қызмет өкілдерімен бірлесіп,
жолға жақын орналасқан білім беру мекемелерінің аумағына 4 мыңнан астам тексеру жүргізілді. Қорытындысында анықталған кемшілікті жою үшін уәкілетті мекемелерге 2 мыңға жуық нұсқама берілді", – деді Жандос Мұратәлиев.
Оның сөзінше, еліміздегі 3 612 мектептің жанында жаяу жүргінші өткелі бар. 2 473 мектептің маңындағы жолға жасанды кедергі орнатылған. 2 300-ге жуық мектептің айналасында жаяу жүргіншілерге арналған лабиринт тектес қоршау бар.
"Биыл білім беру мекемелерінің жанындағы 1 160 жол белгісі ауыстырылып, қайта орнатылды. Мыңға жуық жаяу жүргінші өткелі жабдықталды. 8 мың метрден астам жаяу жүргінші жолы салынды, 16 мың метр жол жасанды жарықтандырумен жабдықталды", – деді комитеті төрағасының орынбасары.
Қанат Махамбет
