ҚР білім және ғылым министрі Асхат Аймағамбетовтың БАҚ-пен байланыс мәселелері бойынша кеңесшісі Ерболат Мұхамеджан білім вице-министрі Фатима Жақыпованың қызметінен босатылғанын хабарлады. Бұл туралы Ерболат Мұхамеджан өзінің Facebook-тегі парақшасында жариялады.
"Білім және ғылым вице-министрі Ф.Н. Жақыпованы қызметінен босату мәселесі бойынша келесіні хабарлаймыз: қазіргі уақытта осы лауазымды тұлға басқа жұмысқа ауысуына байланысты ҚР Заңнамасына сәйкес атқарып отырған қызметінен босату бойынша келісу рәсімі жүргізілуде",– деп жазды министрдің кеңесшісі.
Еске сала кетсек, 7 қараша күні сенат депутаты Еділ Мамытбеков плагиат дауына байланысы бар екенін айтып, Білім және ғылым вице-министрі Фатима Жақыпованы отставкаға жіберуді талап еткен болатын.
