Microsoft корпорациясының негізін қалаған америкалық миллиардер Билл Гейтс коронавирус дертіне шалдықты. Бұл туралы кәсіпкер өзінің Twitter-дегі парақшасында мәлім етті, деп хабарлайды inbusiness.kz.
"Covid тесті оң нәтиже көрсетті. Ауру жеңіл түрде өтіп жатыр. Дәрігерлердің кеңесі бойынша емделіп жатырмын, сауығып кетпейінше оқшауланамын. Мен вакцинаның үдеткіш дозасын алған болатынмын. Дертті анықтау тестінің және сапалы медициналық көмектің қолжетімді болуы да жағдайды жеңілдетеді, – деді кәсіпкер.
Ол соңғы екі жыл ішінде алғаш рет Билл және Мелинда Гейтс қоры мүшелерінің жиналысы басталатынын айтты.
"Біз серіктестерімізбен жұмысты жалғастырып, пандемияны тоқтату үшін қолдан келгенді жасаймыз", – деді Гейтс.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
