Сиэтл қаласының федералды сот төрешісі Чжаоға Америка жерінен кетуге уақытша тыйым салды. Бұл сот шешімі Чжао АҚШ-та ақшаның ізін жасыруға қарсы заңдарын бұзғаны үшін кінәсін мойындағаннан кейін оқиғалар тізбегінің бір бөлігі болып табылады. Ол туралы inbusiness.kz сайты Reuters агенттігіне сілтеме жасап хабарлайды.
Чжао Сиэтл соты ақпан айында үкім шыққанға дейін АҚШ-та қалуы керек пе, әлде ол ел азаматы болып табылатын Біріккен Араб Әмірліктеріне оралуға рұқсат етілуі қажет пе деген мәселені қарастырғанға дейін Америка Құрама Штаттарында қалуға мәжбүр.
Сонымен қатар, Сиэтлдегі АҚШ аймақтық сот төрешісі Ричард Джонс АҚШ үкіметі басқа судьяның шешіміне шағымданғаннан кейін Чжаоның АҚШ-та қалу-қалмауын қарастыратынын алға тартты. Сондай-ақ, АҚШ үкіметі Чжаоға 23 ақпанда үкім шыққанға дейін БАӘ-ге оралуға рұқсат беретін басқа сот төрешісінің шешіміне шағымданды. Алайда, Чжао кепілге босату туралы келісім аясында 175 миллион доллармен кепілге шығуға келісімін берді.
Өз кезегінде, Binance Holdings компаниясы 4,3 миллиард доллардан астам төлеуге келісімін беріп, АҚШ-тың ақшаны жылыстауына қарсы заңдары мен санкцияларын бұзғаны үшін кінәсін мойындады.
