Әлеуметтік-мәдени даму комитетінің төрағасы Жәмилә Нұрманбетова құжат
Президент Қасым-Жомарт Тоқаевтың тапсырмасымен әзірленгенін айтты.
"Заң жобасы Қазақстан Республикасыда биологиялық қауіпсіздікті қамтамасыз ету мақсатында біріздендірілген жүйе құруды көздейді. Басты мақсат – халықты және жануарларды өсімдіктер мен қоршаған ортаны қауіпті биологиялық факторлардың әсерінен қорғау", – деді депутат.
Комитет төрағасының сөзінше, заң жобасын іске асыру үшін 2022-2024 жылдарға 25,5 млрд теңге қажет.
"Қаражат зертханалық базаны жетілдіруге, биологиялық қатерлерге қарсы іс-қимыл жасауға және биологиялық қауіпсіздікті қамтамасыз етуге бағытталған ақпараттық жүйе құруға жұмсалады. Сонымен қатар потогенді бірінші және екінші топтардағы биологиялық агенттермен қатар мамандарды оқытуға пайдаланылады", – деді мәжілісмен.
Қанат Махамбет
