Қаңтар айында қазақстандықтардың ең төменгі күн көріс көлемі 33,9 мың теңгеге жеткен. Статистика комитетінің ақпаратына сенсек, бұл былтырғыдан 12,7% артық.
Ranking.kz күн көріс мөлшерінің құрылымын талдаған ақпарат жариялады.
"Ең төменгі күн көріс деңгейінің құрылымында азық-түлік себетіне 18,6 мың қарастырылған. Қалған 15,2 мың теңге азықтық емес тауарлар мен қызметтерге жұмсалуы керек", – деп жазады портал.
Өңірлер арасында ең жоғары көрсеткіш Маңғыстау облысында (38,9 мың теңге). Бұл республикалық көрсеткіштен 14,7% жоғары деген сөз. Екінші орында – Нұр-Сұлтан қаласы (37,3 мың теңге). Үшінші орындағы Алматы қаласында ең төменгі күн көріс мөлшері 36 мың теңге болған.
Күн көріс мөлшері ең мардымсыз өңірлер – Батыс Қазақстан, Жамбыл облыстары.
Есжан Ботақара
