2026 жылғы 26 тамыздағы жағдай бойынша Қазақстанда әлеуметтік маңызы бар азық-түлік өнімдерінің бірқатары арзандады, деп хабарлайды inbusiness.kz сайты.
Есепті аптада пияздың бағасы 4,8%-ға, ақ қырыққабат 4,6%-ға, картоп 2,9%-ға, сәбіз 2,4%-ға, алма 1,1%-ға төмендеген.
Өңірлер арасында бағаның ең көп төмендеуі Қонаевта тіркелді – 0,4%. Атырау, Жезқазған және Көкшетауда баға 0,2%-ға, Алматы, Қызылорда, Орал және Өскеменде 0,1%-ға арзандаған.
Ел бойынша пияздың орташа бағасы килограмына 179 теңге болды. Ең төмен баға Түркістанда – 135 теңге.
Ақ қырыққабаттың орташа бағасы 176 теңге болса, Таразда 132 теңгеден сатылды. Картоптың орташа бағасы 241 теңге, ең төмен баға Павлодарда – 177 теңге және Қостанайда – 194 теңге.
Қызанақтың орташа бағасы 546 теңгені құрады. Ең қолжетімді баға Таразда тіркеліп, килограмы 315 теңге болды.
