/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 403,19 Brent 36,55
Бір қолға дәрі-дәрмектің тек 2-3 қорабы беріледі

Бір қолға дәрі-дәрмектің тек 2-3 қорабы беріледі

Денсаулық сақтау вице-министрі Людмила Бюрабекованың айтуынша, қазір әкімдіктермен арнайы келісім жасалуда. 

01 Шілде 2020 13:32 136

Бір қолға дәрі-дәрмектің тек 2-3 қорабы беріледі

Енді бір қолға дәрі-дәрмектің тек 2-3 қорабы беріледі. Бұл ел ішіндегі тапшылықты жою үшін жасалған шара. Денсаулық сақтау вице-министрі Людмила Бюрабекованың айтуынша, қазір әкімдіктермен арнайы келісім жасалуда. Ал дәріхана сөрелерінен жоғалған препараттар апта соңына дейін қайта қол жетімді болмақ.

Алайда мамандар олардың коронавирусты емдеуге қауқарсыз екенін айтуда. Онда, ел ішінде өршіген қауіпті дертті немен емдеу қажет. Толығырақ Atameken Business тілшісі Айзат Қайырлыбекқызы баяндайды:

Дәріні негізсіз қымбататқан 46 азамат ұсталды

Кәсіпкерлер ауырып ем таппай сенделіп жүрген халыққа препараттарды удай бағаға өткізген. 

07 Шілде 2020 14:46 155

Дәріні негізсіз қымбататқан 46 азамат ұсталды

Бір күн ішінде дәріні негізсіз қымбататқан 46 азамат ұсталды, деп хабарлайды Atameken Business. 

Кәсіпкерлер ауырып ем таппай сенделіп жүрген халыққа препараттарды удай бағаға өткізген. Мәселен азаматтар 250 теңгенің «аскорбин қышқылын» 5 мың теңгеге алуға мәжбүр болған. Тіпті, «дәрі-дәрімектер бітті» деп қолдан тапшылық жасағандар да табылды. Мұндай сұмдық жағдайлар еліміздің әр өңірінде жүргізілген рейд нәтижесінде анықталды. Толығырақ:

Дәрі-дәрмекті интернет арқылы сатқандар ұсталды

Нұр-Сұлтанда заңсыз айналымнан жалпы құны 3,7 млн теңге болатын медициналық құралдар мен дәрілік заттар тәркіленді.

06 Шілде 2020 18:38 200

Дәрі-дәрмекті интернет арқылы сатқандар ұсталды

Нұр-Сұлтан қаласының полиция департаментінің қызметкерлері дәрілік заттар мен медициналық құралдардың заңсыз сатылуын анықтау бойынша жедел-алдын алу шараларының алғашқы тәулігінде заңсыз айналымнан медициналық маскалар, комбинезондар, термометрлер, медициналық көзілдіріктер мен антисептиктердің ірі партиясын тәркіледі, деп хабарлайды елорда әкімдігінің ресми сайты.

«Тәртіп сақшылары хабарландыру сайттары арқылы термометр, ингавирин, парацетамол, цефтриаксон және басқа да дәрі-дәрмектер сатқан интернет-қолданушыларды анықтады. Тәркіленген дәрі-дәрмектің жалпы сомасы 3 млн 700 мың теңгені құрады», – деп жазылған полиция департаментінің хабарламасында.

Сондай-ақ полиция қызметкерлері 63 дана термометр, сондай-ақ жалпы сомасы 3 млн теңге шамасында медициналық плащ, маскаларды заңсыз сатқан қала тұрғынын анықтады. Сонымен қатар Түркістан көшесінде 200 мың теңге сомасында 100 литр антисептикті заңсыз сату фактісі анықталды.

«Барлық құқық бұзушылар полицияға жеткізілді. Әрбір анықталған факті бойынша қолданыстағы заңнамаға сәйкес құқықтық баға берілетін болады», – деді департаменттен.

Нұр-Сұлтан қалалық полиция департаменті тұрғындардың дәрі-дәрмектерді заңсыз сату фактісі мәлім болған жағдайда, жақын маңдағы полиция бөлімшесіне жүгінуді немесе 102 нөміріне қоңырау шалуды сұрайды.