Елде өткен тәулікте 1800-ден аса адам COVID-19 жұқтырды, деп хабарлайды inbusiness.kz.
Денсаулық сақтау министрлігінің мәлімінше, өткен тәулікте коронавирус жұқтырудың 1 863 дерегі тіркелген. Осылайша COVID-19 жұқтырғандар саны 903 924-ке жетті.
2 358 адам коронавирустан айықты. Елде барлығы 846 012 адам COVID-19-дан емделіп, сауығып шықты.
10 қазандағы мәлімет бойынша 53 581 адам коронавирустан емделіп жатыр.
"Олардың ішінде 9 384 пациент стационарда, 44 197 науқас амбулаториялық деңгейде ем қабылдауда. 674 адамның жағдайы ауыр, 201 пациенттің жағдайы өте ауыр, 127 науқас өкпені жасанды желдету аппаратына қосылған", – деп жазылған хабарламада.
Сондай-ақ COVID-19 бен пневмониядан 51 адам қайтыс болды.
Сонымен қатар Қазақстанда коронавирусқа қарсы вакцинаның I компонентін 7 846 324 адам, II компонентін 6 888 423 адам салдырды.
