DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
Бір шақырым жол салуға 80 млн теңге жұмсалады

Бір шақырым жол салуға 80 млн теңге жұмсалады

Алайда жыл сайын қазынадан қыруар қаржы бөлінгенімен, тұрғындар тозығы жеткен көшелермен жүруге мәжбүр.   

21 Мамыр 2020 22:59 286

Бір шақырым жол салуға 80 млн теңге жұмсалады

Ел аумағында салынған әр шақырым жол үшін 80 млн теңге жұмсалады, деп хабарлайды Atameken Business.   

Енді биылдан бастап жол сапасын арттыруға бақылау күшейтілмек. Жемқорлыққа қарсы агенттік бұл жауапкершілікті өз мойнына алды. Олар арнайы құрылғылармен жабдықталған зертхана арқылы мердігер компаниялардың кем-кетігін түзеп отырады.  

inbusiness.kz-ті қараңыз, оқыңыз :

Жол активтері сапасының ұлттық орталығы 1500-ден астам олқылық анықтады

Үш айдың ішінде республикалық маңы бар жолдарда 582 нысан тексерілген.

20 Сәуір 2020 14:02 142

Жол активтері сапасының ұлттық орталығы 1500-ден астам олқылық анықтады

Автомобиль жолдары комитеті «Жол активтері сапасының ұлттық орталығы» үш айда жүргізілген жұмыстардың қорытындыларын шығарды. Бұл туралы Индустрия және инфрақұрылымдық даму министрлігінің баспасөз қызметі хабарлады. 

«Осы уақыт аралығында орталық мамандары ел өңірлеріндегі жолдарға 1398 сапар жасап, 1522 олқылықты анықтады. Олқылықтардың біраз бөлігі автомобиль жолдарын қысқы кезеңде күтіп ұстау сапасының төмендігіне қатысты. Сонымен қатар, орталықтың көшпелі зертханалары республикалық маңызы бар жол учаскелеріне  1294 сапар жасады. Зертханалық жұмыстар жүргізілген жол учаскелерінің жалпы ұзындығы 27 мың шақырымнан асады», – деп жазылған хабарламада. 

Жалпы үш айдың ішінде республикалық маңы бар жолдарда 582 нысан тексерілген. Нәтижесінде олардың талаптарға сай емес екендігі анықталды. 

«Олқылықтардың саны – 1386. Осы ретте мердігер ұйымдарға 579 хат жолданды. Сондай-ақ, 2020 жылдың алғашқы тоқсанында жергілікті автомобиль жолдарының 4500 шақырымы тексерілген болатын. Зертханалар мұндай жолдарға 104 сапар жасап, 136 олқылықты анықтады», – деп хабарлады министрлік. 

Еске сала кетсек, «Жол активтерінің ұлттық сапа орталығы» шаруашылық жүргізу құқығындағы республикалық мемлекеттік кәсіпорны Қазақстан Республикасы Үкіметінің қаулысы негізінде 2019 жылы 16 «ОблЖолЗертхананы» РММ біріктіру арқылы құрылған болатын. Оны құрудағы мақсат – жолдарды салу, жөндеу және күтіп-ұстау, сондай-ақ жол активтерін басқару саласындағы жұмыстар мен материалдардың сапасын сараптау. 

Құралай Құдайберген
 

Жолды жөндеген сайын апат көбейеді – министрлік

Қазақстанда бес адамға бір жеке көліктен келеді.

13 Қаңтар 2020 13:47 271

Жолды жөндеген сайын апат көбейеді – министрлік

Жол сапасы жақсарған сайын апат көбейіп барады. Индустрия және инфрақұрылымдық даму министрлігі ресми сайтында осындай мағынасы екіұшты ақпарат жариялады. Мақаланың мағынасы ойға оғаштау екенін өздері де мойындайды.

«Жалпы «көлік апатының саны сапалы жолдарға байланысты көбейді» деген сөз құлаққа оғаштау естілетіні рас. Бірақ, жолдар тегістелген сайын көлік апаттары, оның ішінде қайғылы аяқталатын жағдайлар көбейген. Статистикаға сүйенсек, 2019 жылы жолдағы апаттардың 33,6% жылдамдықты арттырудан, 14,1% қарсы жолаққа шығып кетуден, 9,5% жүргізушінің көлікті басқара алмай қалуынан, 8% арақашықтықты сақтамаудан болған. Сондай-ақ, шаршау, мас болып көлік айдау және автомобильдің ақауы сияқты жағдайлар апатқа себеп болып жатады», – делінген министрлік сайтында жарияланған материалда.

Ресми мәліметке сенсек, 2019 жылы республикалық және халықаралық маңыздағы жолдарда 2547 көлік апаты болған екен. 

«Бұл 2018 жылмен салыстырғанда  18% көп. Осылайша, жолдардың сапасы артқан сайын жол-көлік апаттары да көбейген. Осы орайда өткен жылы елімізде республикалық маңыздағы автожолдардың 4,4 шақырымында қайта құрылымдау және салу жұмыстары жүргізіліп, рекордтық көрсеткішке жеткенін айту керек. Нұр-Сұлтан – Павлодар, Щучинск – Зеренді, Бейнеу – Ақжігіт, Жетібай – Жаңаөзен, Таскескен – Бақты, Теміртау – Қарағанды учаскелері толық аяқталды. Бүгінгі таңда республикалық жолдардың 88% жақсы және қанағаттанарлық жағдайда», – деп жазады министрлік сайты.

Әрі қарай мақалада жыл өткен сайын жол сапасы мен қауіпсіздігін арттыру үшін қыруар қаржы бөлініп жатқаны айтылған. Мысалы, «Нұрлы жол» бағдарламасы аясында 2025 жылға дейін 13,5 мың шақырым жол салынып, қайта жаңғыртылмақ. 

Мақалада елде көлік санының артуы да жол қауіпсіздігіне әсерін тигізіп жатқаны айтылады.  

«Статистика комитетінің мәліметінше, елдегі жолдарда 3 милионнан астам көлік жүр. Орта есеппен 100 қазақстандыққа 21 көліктен келеді, яғни әрбір бесінші отандасымыздың жеке көлігі бар. Адам өмірінің қауіпсіздігі мемлекет үшін басым бағыттардың бірі екені сөзсіз. Дегенмен, жолдарда апаттарды азайту – жол қозғалысына қатысушылардың әрқайсына ортақ жауапкершілік. Көлік айдау мәдениетін арттыру – бүгінгі таңдағы негізгі міндеттердің бірі», – делінген министрліктің ақпаратында.   

Былтыр республика бойынша жаңадан салынған және қайта жаңғыртылған 641 шақырым жол ашылған екен. Ал тәуелсіздік жылдары 12,5 мың шақырымнан астам жол жаңадан салынып, жөнделген. 

Есімжан Нақтыбайұлы

Жаңалықтарға жазылу: