DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
Birgemiz қорына 13 млрд теңге түсті

Birgemiz қорына 13 млрд теңге түсті

«Жұмсалған әр теңгенің түбіртегін сайтқа саламыз».

01 Сәуір 2020 17:56 194

Birgemiz қорына 13 млрд теңге түсті

Birgemiz қорынан көмек алатын адамдардың тізімі жасалып жатыр. Ақпарат және қоғамдық даму министрі Дәурен Абаев қаржының елдің көз алдында жұмсалуы үшін арнайы сайт құрылғанын айтты.

«Бүгінде Birgemiz қорына 13 млрд теңге түсті. Қаржылық ашықтықты қамтамасыз ету үшін барлық өңірде қордың өкілдіктері ашылды. Сонымен бірге қордың сайты да іске қосылды. Ол жерде келіп түскен қаражат пен шығындар жарияланады. Тіпті түбіртектерге дейін көрсетіледі. Қазір әр өңірде көмекке мұқтаж адамдардың тізімі жасалып жатыр. Олардың бәрі жақын уақытта қордан көмек алады», – деді министр.

Есжан Ботақара

inbusiness.kz-ті қараңыз, оқыңыз :

Елордада 40 мың отбасы тегін медициналық маскамен қамтылады

Birgemiz қоры арқылы Қазақстанның үш қаласы – Нұр-Сұлтан, Шымкент және Алматы қалалары үшін 5 млн маска сатып алынды.

17 Сәуір 2020 09:00 238

Елордада 40 мың отбасы тегін медициналық маскамен қамтылады

Нұр-Сұлтанда «Біз біргеміз!» акциясы 40 мың аз қамтылған отбасы медициналық маскамен қамтамасыз етіледі. Әр жиынтықта 50 қорғаныс құралы бар, деп хабарлайды әкімдіктің баспасөз қызметі.

«Жалпы алғанда, Birgemiz қоры арқылы Қазақстанның үш қаласы – Нұр-Сұлтан, Шымкент және Алматы қалалары үшін 5 млн маска сатып алынды. Алматы мен Нұр-Сұлтан қалаларына екі миллион маскадан бөлінген. Елорданың 40 мың отбасын қамту жоспарлануда. Әрбір отбасына 50 маскадан таратылады», – деді Jas Otan жетекшісі Елнұр Бейсенбаев.

Бұл бағыттағы жұмыстар Нұр-Сұлтан қаласы әкімдігінің жастар саясаты басқармасы қолдауымен, еріктілер ұйымымен бірлесіп жүргізіледі. Барлық еріктілер арнайы қорғаныс костюмдерін киеді.

«Бүгін біз екі мың отбасына 100 мыңға жуық маска таратуды жоспарлап отырмыз. Одан әрі жұмыс карантин біткенше жалғасады», – деп атап өтті Елнұр Бейсенбаев.

Естеріңізге сала кетейік, «Біз біргеміз!» акциясы аясында 5 мыңнан астам отбасы азық-түлік себетімен және гигиена құралдарымен қамтылған болатын.

Дәурен Абаев: Бізге сенбесеңіздер италиялықтардан сұраңыздар

«Адамдарда COVID-19 вирусына қарсы ешқандай иммунитет жоқ».

29 Наурыз 2020 17:03 213

Дәурен Абаев: Бізге сенбесеңіздер италиялықтардан сұраңыздар

Фото: Максим Морозов

Коронавирус типіндегі індет ең алғаш 1965 жылы бегілі болғанымен, бүгінгі COVID-19 вирусындай қауіпті болмаған. Сондықтан оның қаупін елемеу үлкен өкінішке әкелуі мүмкін. Тікелей эфир арқылы кезекті онлайн-брифинг өткізген Ақпарат және қоғамдық даму министрі Дәурен Абаев осындай іпкір айтты.

«Бізден бір ақпаратқа қатысты комментарий беруді сұрап жатыр. Қазір «коронавирус ешқандай жаңа ауру емес, ол 1965 жылы анықталған және адамдардың 70 процентінде оған қарсы иммунитет бар» деген ақпарат таралуда. Бұл жерде ескеретін мәселе бар. Дәрігерлер мен мамандар мені толықтырады деп ойлаймын. Коронавирус ол – вирус тұқымдасы. Оған 40-тан астам вирус кіреді. Шынында да 1965 жылы осындай вирустың алғашқы түрі табылған. Бірақ ол COVID-19 емес. Сондықтан қазір коронавирустен қорықпай, жұмысқа, көшеге шығуға болады деп айту – іріткі салу. Адамдарда COVID-19 вирусына қарсы ешқандай иммунитет жоқ. Сенбесеңіздер, Италия тұрғындарынан сұрауға болады деп ойлаймын. Сондықтан санитарлық талаптарды сақтап, үйде отыру керек», – деді Дәурен Абаев.

Жаңалықтарға жазылу: