Энергия үнемдейтін жүйелерді жаңғырту және цифрлы эфирлік хабар тарату желісінде желілік инфрақұрылым құрылысының жүргізілуіне байланысты Алматы, Атырау және Шығыс Қазақстан облыстарының радио және телевизия стансаларында жоспардан тыс жөндеу жұмысы жүргізіледі, деп хабарлайды "Қазтелерадио" АҚ баспасөз қызметі.
3-5 мамыр, сондай-ақ 11-14 мамыр аралығында сағат 01.00-ден 05.00-ге дейін радиотелехабар таратуды Алматы облысы, 5-26 мамыр аралығында Атырау облысы, 29 мамыр мен 8 маусым аралығында сағат 09.00-ден 17.50-ге дейін Шығыс Қазақстан облысындағы аналогтық хабар тарату желісінде "Қазақстан", "Хабар", "Хабар 24", "Евразия", "Шалқар", "Қазақ радиосы" теле, радио арналары хабар таратуды тоқтатады.
Ал цифрлы эфирлік хабар тарату желісіндегі барлық теле, радио арна хабар таратуды тоқтатады. Телекөрермендер назарына жерсеріктік "OTAU TV" телевизиясы және кабельді операторлар желілерінде теле және радио арналар үздіксіз жұмыс істейді.
