Отандық танымал продюсер Баян Алагөзова қалың көрерменге "Жауап бер" фильмінің ресми трейлерін ұсынды, деп хабарлайды inbusiness.kz сайты.
"Назарларыңызға "Жауап бер" фильмінің ресми трейлерін ұсынамын. Бұл әйелдердің қиын тағдыры, отбасындағы қарым-қатынас, өзін-өзі жақсы көрмеу, жалғыздық – түзетуге болатын дүние туралы қиын оқиға", – деп жазды Баян Алагөзова.
Фильмде кәсіпкер күйеуін өлтірді деп айыпталған әйелдің тағдыры, отбасындағы зорлық-зомбылық, психологиялық қысым туралы айтылады.
Әлеуметтік желі қолданушылары трейлердің астына "Бишімбаевтың ісіне ұқсайды", "Бишімбаевтың оқиғасы сияқты", "Сапалы кино екені көрініп тұр" сынды пікір қалдырған.
Туынды 19 желтоқсаннан бастап көрерменге жол тартады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
