Сандық валюта Facebook-тің Libra деп аталатын валютасына қатысты отырыстан кейін осылай құлдырады. Қазір АҚШ-та осыған қатысты қызу талқылау жүріп жатыр.
CNN дерегіне сүйенсек, bitcoin қазір 9590 доллар тұрады. Сарапшылардың айтуынша, криптовалюта құнының екі апта ішінде 10 мың доллардан төмендеуі бірінші рет тіркеліп отыр.
Басқа криптовалютардың да жағдайы онша емес. Мысалы, Ether 12%-ға төмен түсті.
Естеріңізге сала кетейік, өткен айда Facebook Libra деп аталатын жаңа валютаны жарыққа шығаратынын жариялаған болатын. Компания басшылығының көздегені – осы валюта арқылы халықаралық төлемдерді жеңілдету. Жаңа төлем жүйесінің жұмысын 27 компания біріккен Libra Associations консорциумы қадағалайды деп жоспарланып отыр.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
