Осы жылдың 11 айында ауыл шаруашылығы өнімдерінің өндірісі 2,9%-ға артқан. Өсім негізінен мал шаруашылығы есебінен қамтамасыз етілген. Бұл саладағы өсім 3,9% құраса, өсімдік шаруашылығында ол 2,3% болды. Бұл туралы үкімет отырысында ауыл шаруашылығы бірінші вице-министрі Арман Евниев айтты, деп хабарлайды primeminister.kz.
ҚР АШМ хабарлауынша, биыл гектарынан 15,1 центнерден айналғанда 22,8 млн тонна астық бастырылды.
Тірідей салмақтағы ет өндірісі – 4,3%-ға, сүт өндірісі – 3,3%-ға, жұмыртқа өндірісі –10,6%-ға өсті.
"Тамақ өнімдерінің өндірісі аталған кезеңде 1,7%-ға артты", — деп баяндады ауыл шаруашылығы бірінші вице-министрі Арман Евниев.
Вице-министрі бірқатар өңірде тамақ өнімдері мен сусын өндірісінің төмендеуі байқалғанын айтты. Әкімдіктер дерегіне сүйенсек, өндірістің бұлай төмендеуіне халықтың алкогольсіз сусындарға деген сұранысының азаюы әсер еткен.
