Жыл басынан бері елімізде жекешелендіру аясында 33 млрд теңгеге 31 нысан сатылды. Жыл соңына дейін тағы 36 нысан саудаға шығарылады, деп хабарлайды Atameken Business.
Есепті кезеңде 62 нысан аукционға қойылды. Мұны премьер-министрдің бірінші орынбасары – қаржы министрі Әлихан Смайылов айтты. Оның сөзінше, бүгінгі таңда жекешелендірудің кешенді жоспары 91%-ға орындалды. Сонымен қатар, 19 нысанды қайта құру және тарату туралы шешім қабылданды.
"Біз 2020 жылдың соңына дейін 100%-ға жекешелендіруді орындауды жоспарлап отырмыз", – деді ол.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
