Бұл туралы Үкімет отырысында Ұлттық экономика министрі Әлібек Қуантыров айтты.
"Биыл 4 айда өткен жылғы қаңтар-сәуірмен салыстырғанда Қазақстан экономикасы 5 пайызға өсті. Оның ішінде нақты сектордағы өсу 4,8 пайызды, ал қызмет көрсету саласындағы өсу 4,9 пайызды құрады. Негізгі салалардың барлығында оң динамика байқалуда. Әсіресе, құрылыс, сауда, сондай-ақ ақпарат және байланыс ең жоғары өсім көрсетті", - деді ведомство басшысы.
Негізгі капиталға салынған инвестициялардың өсу қарқыны 18 пайызды құрады.
"Инвестициялар ағыны көлік және қоймалауда – 39,3%, ауыл шаруашылығында 26,5%, жылжымайтын мүлікке қарсы операцияларда – 10%, өнеркәсіпте – 18,1%, оның ішінде тау-кен өндіру өнеркәсібінде 17,3%, өңдеу өнеркәсібінде 7 пайызға өсті", - деп атап өтті министр.
Өңірлер арасында ең жоғарғы өсім Түркістан, Маңғыстау, Қызылорда және Батыс Қазақстан облыстарында байқалды.
