Биылғы жылы Ақмола облысы аумағындағы 80-нен астам қала мен ауылдағы көше-жол желісінде жөндеу жұмыстары жүргізілмек, деп жазылған ИИДМ баспасөз қызметі таратқан ақпаратта.
Оның ішінде елорда маңындағы Қосшы қаласы мен Жібек жолы кенті, Қоянды, Қараөткел, Талапкер, 42-Разъезд, Жалтыркөл, Қаражар, Ы. Алтынсарин, Софиевка, Қызылжар, Тайтөбе, Волгодоновка, Бозайғыр, Ключи, Қызылсуат, Отаутүскен, Мәншүк ауылдары бар. Қазіргі күнде жол негіздері мен науаларды орнатуға дайындық жұмыстары жүргізілуде.
Сондай-ақ өңірдегі "Жалтыр – Макинск", "Атбасар – Сочинское" және "Есіл – Свободное – Раздольное" автокөлік жолдарында үш көпір салу бойынша ірі жобаларды жүзеге асыру жалғасуда. Бүгінгі күнге дейін көпірде 100 баған орнатылып, демонтаж жұмыстары орындалды.
Құрылыс жұмыстарының барысы мен сапасы тапсырыс берушінің, арнайы техникалық қадағалау ұйымының және "Жол активтерінің ұлттық сапа орталығы" РМК-ның тұрақты бақылауында.
Жоғарыда аталған жұмыстардың қорытындысы бойынша Ақмола облысындағы жолдардың нормативтік жағдайдағы үлесін 87 пайызға дейін жеткізу көзделіп отыр.
