Биыл Ақтөбе өңірінде кем дегенде 1 млн шаршы метр тұрғын үй немесе 9 мың жаңа пәтер пайдалануға беріледі, деп хабарлайды әкімнің баспасөз қызметі.
"2020 жылы қаржыландырудың барлық көздері есебінен 1 млн шаршы метрден астам тұрғын үй немесе 9 мыңға жуық пәтер салу, құрылыс жұмыстарының көлемін 215 млрд теңгеге дейін жеткізу жоспарлануда",– делінген хабарламада.
Жақында халыққа берген есебінде өңір әкімі Оңдасын Оразалин сондай-ақ биыл 122 көпбалалы отбасына тұрғын үй сатып алу үшін 1 млрд теңге көлемінде қаражат қарастырылғанын атап өткен болатын.
"Нұрлы жер" бағдарламасы аясында жеке тұрғын үй құрылысы үшін 563 шақырымдық инженерлік-коммуналдық инфрақұрылым салу жоспарлануда, бұл 2019 жылмен салыстырғанда 1,5 есе артық",– дейді әкімдіктен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
