/img/tv1.svg
RU KZ
Биыл әлемдік ЖІӨ 4,5%-ға қысқарады

Биыл әлемдік ЖІӨ 4,5%-ға қысқарады

Deutsche Bank осындай болжам жасады. 

07 Тамыз 2020 14:58 234

Биыл әлемдік ЖІӨ 4,5%-ға қысқарады

Мамыр айында банк жаһандық экономика 6%-ға кемиді деп топшылаған еді.
Сарапшылар осы жолғы болжамда коронавирус дағдарысынан кейінгі жандану қарқыны жоғары болады деген пікірде. 

«Пандемия кесірінен бәсеңдеген экономикалық белсенділік қарқыны біз ойлағаннан да жылдамырақ. Осы орайда әлем экономикасының қандай көрсеткіштерге ие болатынын қайта қарастырдық», – деп жазылған банк құжатында.

Банк өкілдерінің ойынша,  2021 жылы жаһандық ЖІӨ 5,5%-ға өсіп, одан кейінгі жылдары экономикалық өсім қарқыны баяуламақ. Жұмыссыздық деңгейі 2024-2025 жылдары дағдарысқа дейінгі көрсеткіштерге жетеді.

Банк болжамына сәйкес, биыл ЕО ЖІӨ-і 8,6%-ға, АҚШ-тыкі 5,2%-ға, Жапонияныкі 6,4%-ға, Үндістандыкі 5,8%-ға азайып, Қытайдыкі, керісінше, 1,6%-ға артпақ.

Табиғат Нұрболат

Фото: dw.com

Сингапурдың экономикалық көрсеткіштері төмендейді

Сарапшылар құрылыс 23%-ға, қонақүйлер мен қоғамдық тамақтану орындарына деген сұраныс 29,1%-ға кемиді деп топшылап отыр.

08 Қыркүйек 2020 11:40 135

2020 жылы Сингапур экономикасы құрылыстың баяулап, қонақүйлер мен дәмханаларға деген сұраныстың төмендеуіне байланысты 6%-ға қысқарады. Бұл туралы Сингапурдың қаржы-несиелік басқармасы мәлім етті.Бұған дейін сарапшылар елдің ЖІӨ 5,8%-ға кемиді деп болжаған еді. 

Соңғы болжам бойынша, биыл құрылыс 23%-ға, қонақүйлер мен дәмханаларға деген сұраныс 29,1%-ға кемиді. 

Мамандардың ойынша, экономикалық ахуалдың нашарлауына бірнеше фактор әсер етіп отыр. Нақтырақ айтқанда, індеттің тез таралуы, пандемияның жаңа толқыны басталып, коронавирусқа қарсы вакцина кешіктіріліп жасалады деген қатерлер экономиканы тежеп отыр. Ал 2021 жылы сарапшылар Сингапурдың ЖІӨ 5,5%-ға өседі деген пікірде. 

Табиғат Нұрболат
Фото: straitstimes.com

Fitch агенттігі 75 жылдағы шығыны ең мол рецессияны болжады

2020 жылы ғаламдық жалпы ішкі өнімі 4 пайызға құлдырауы мүмкін.

23 Сәуір 2020 15:15 260

Fitch халықаралық рейтингтік агенттігі биыл әлем экономикасында екінші дүниежүзілік соғыстан бергі шығыны ең мол рецессия басталатынын болжап отыр. 2020 жылы ғаламдық жалпы ішкі өнімі 4 пайызға құлдырауы мүмкін, деп хабарлайды Atameken Business.

Аймақтар бойынша бөлсек, Еуропалық одақ елдерінің экономикасы – 7 пайызға, АҚШ – 5,6 пайызға, Ұлыбритания – 6,3 пайызға әлсірейді. Сонымен бірге, агенттік, Франция, Испания, Германия, Ресей, Мексика, мен Түркия және Бразилияға айтарлықтай ауыр тиетінін болжады. Ал Қытай мен Үндістанның экономикалық дамуы керісінше 1 пайызға даму көрсетпек.