Агенттік мәліметінше, биыл аталған азық-түлік тауарлары 10%-ға қымбаттаған. 2020 жылғы ұқсас кезеңде баға 6,0%-ға өскен.
Жыл басынан бері сәбіз 175,5%-ға (2020 жылы осы кезеңде 33,9%), картоп 67,8%-ға (2020 жылы 49,9%), күнбағыс майы – 21,9% (2020 жылы 1,0%), пияз 19,9%-ға (2020 жылы 25,5%), қарақұмық – 12,8% (2020 жылы 18,8%), қант 11,2%-ға (2020 жылы 10,3%) өскен.
Агенттік 7-13 шілде аралығында әлеуметтік маңызы бар азық-түлік тауарларына бағасына зерттеу жүргізген. Нәтижесінде аталған тауарларға баға 0,3%-ға өскенін (2020 жылғы осы кезеңдегі көрсеткіш – 1,0%) анықтаған.
Бір аптада пияз 2,1%-ға (өткен жылы – 0,8%), қырыққабат 1,6%-ға (өткен жылы – 1,6%), сәбіз 1,3%-ға қымбаттаған.
Пияз бағасы Қызылордада – 11,0%-ға, Қарағандыда – 8,7%-ға, Алматыда – 5,4%-ға, қырыққабат Қызылорда – 7,9%-ға, Алматыда – 4,9%-ға, Ақтөбеде – 4,9%-ға, сәбіз Нұр-Сұлтанда – 7,0%-ға, Оралда – 5,3%-ға, Алматыда – 5,2%-ға көтерілген.
"Ең қымбат сәбіз Жезқазғанда (1 келісі 411 теңге), ең арзаны Таразда (1 келісі 226 теңге), ең қымбат картоп Нұр-Сұлтанда ( 1 келісі – 231 теңге, ең арзаны Қарағандыда (1 келісі – 146 теңге) сатылып жатыр", - деп жазылған хабарламада.
3 тауардың (кеспе (рожки), май, айран) бағасы тұрақты болған.
Сонымен қатар 7-13 шілде аралығында картоп бағасы 4,3%-ға, күріш 0,2%-ға төмендеген.
