"Биылғы тест тапсырмаларының барлығы жаңартылған білім бағдарламалары бойынша құрастырылды. Тест тапсырмалары мектепте игерген материалды қолдану қабілеттілігін анықтауға арналған тапсырмалардан тұрды. Екіншіден, биылғы ҰБТ базасында Қазақстан тарихы пәні бойынша жалпы тест саны сақталды. 15 сұрақтың бесеуі контекстік сұрақтардан тұрды. Яғни берілген мәтін бойынша талапкерлер өздерінің жауаптарын берді", – деді орталық коммуникациялар қызметінде өткен брифингте Гүлжан Жарасова.
Сонымен қатар биылғы тестілеуде құқық білім беру саласы бойынша шекті балл өзгеріп, 75 балды құраған. Қалған білім беру салаларында шекті балл өзгеріссіз қалды.
Айта кетейік, 2022 жылғы ҰБТ "1 компьютер – 2 камера – 1 тестіленуші" қағидасы бойынша 43 тестілеу орталығында өтті.
