"Жыл басынан бері 470 501 ЖҚЕ бұзу дерегі анықталды. Көлікті мас күйінде басқарған 988 жүргізуші ұсталды. Сот шешімімен 1 549 жүргізуші көлік құралын басқару құқығынан айырылды. 972 көлік жүргізушісі әкімшілік қамауға алынды. Көлікті мас күйде жүргізу көп жағдайда адам өлімімен аяқталады", – деп хабарлады қалалық ПД.
Еске сала кетейік, көлікті мас күйінде басқарғаны үшін заң бойынша жаза күшейтілген.
"Бірінші рет көлік құралын басқару құқығынан айыру мерзімі – 7 жыл. Сонымен қатар 30 тәулікке дейін әкімшілік қамауға алу қарастырылған", – деді Алматы қалалық полиция департаменті бастығының орынбасары Нұрлан Алмасбеков.
Сондай-ақ ЖПҚ алты айда шаһар жолдарында 1 473 жол-көлік оқиғасы тіркеліп, соның салдарынан 1 806 адам зардап шеккенін, тағы 42 адам қайтыс болғанын хабарлады.
