Оның сөзінше, өткен он айда өңірде 4 асыл тұқымды мал шаруашылығы ашылып, егістіктен алынған өнім 6%-ға артқан.
"Атырау облысы республиканың шөл және шөлейтті, құнарлығы төмен аймақта орналасқан. Соған қарамастан облыста мал басының барлық түрі өсіріліп келеді. Аймақта 33 асыл тұқымды мал шаруашылығы бар. Олардың 4-еуі биыл құрылды. Соңғы 5 жылда облыстың ауыл шаруашылығы саласында 19 млрд теңгеге 10 ірі жоба жүзеге асырылып, 689 жаңа жұмыс орны ашылды. 2020 жылға ауыл шаруашылығы саласын қолдауға бюджеттен 3,2 млрд теңге қаржы бөлінді", – деген облыс басшысы егістік тақырыбына тоқталды.
"Биыл егістік 9 300 гектарды құрап, өткен жылмен салыстырғанда 4,5%-ға, одан алынған өнім 6%-ға өсті. Тұтастай алғанда, облыстың ауыл шаруашылығында өндірілген өнім көлемі өткен он айда 73 млрд теңгені құрады", – деді Махамбет Досмұхамбетов.
Құралай Құдайберген
