Адам құқықтары жөніндегі ұлттық орталықтың мәліметтеріне сәйкес, 2021 жылғы қараша айындағы жағдай бойынша Қазақстанда Адам құқықтары жөніндегі уәкіл Эльвира Әзімованың атына барлығы 1614 өтініш келіп түскен, деп хабарлайды inbusiness.kz.
Көбінесе азаматтардың тиісті шағымдары прокуратура мен полициядағы лауазымды тұлғаларының іс-әрекеттері немесе әрекетсіздігі (298 өтініш), сондай-ақ сот актілеріне шағымдану (215 өтініш) мәселелеріне қатысты болды.
Өтініштердің өзге де кең таралған түрлерінің ішінде мынадай санаттарды атап өтуге болады: "қылмыстық-атқару жүйесінің жалпы мәселелері", "Қылмыстық-процестік заңнаманың жалпы мәселелері", "тұрғын үй беру", "денсаулық сақтау, қоғамдық денсаулық сақтау мәселелері", "азаматтың конституциялық құқықтары мен бостандықтары", "еңбек қатынастары" және т. б.
163 өтініш Қазақстанның түзеу мекемелеріндегі адам құқықтарын бұзу, оның ішінде медициналық қызмет көрсету, қызмет бабын теріс пайдалану, коммуналдық-тұрмыстық жағдайларды бұзу және азаптауды қолдану мәселелеріне қатысты болды.
“Жабық үлгідегі мекемелердегі азаптау, қатыгез қарым-қатынас және азаматтардың құқықтарын өзге де бұзу проблемасы құқық қорғаушылардың да, құқық қорғау органдарының да көзқарасы тұрғысынан өзекті мәселелердің бірі болып қала беретінін атап өтеміз”, – деп жазылған Адам құқықтары жөніндегі ұлттық орталық таратқан хабарламада.
Жаңартылған деректерге сәйкес, биылғы жылдың 11 айында ҚР ҚК 146-бабы ("азаптау") бойынша іс жүргізуде 655 қылмыстық іс болған.
Қылмыстық істері тармақтар бойынша қысқартылған құқық бұзушылықтар саны 1), 2), 5), 6), 7), 8) ҚР ҚІЖК 35-бабының 1-бөлігі жоғарыда көрсетілген 655-тің 495-ін құрады.
Жалпы, биылғы жылы "азаптау" бабы бойынша ҚР ІІМ-нің 7 қызметкері сотталған (оның ішінде 1-і ҚР ІІМ ҚАЖК қызметкері).
