"Биыл да ел қамбасы астыққа толды": Президент диқандарға алғыс айтты

973

Мемлекет басшысы Қасым-Жомарт Тоқаев бұл туралы Ауыл шаруашылығы еңбеккерлерінің ІІІ форумында мәлімдеді.

"Биыл да ел қамбасы астыққа толды": Президент диқандарға алғыс айтты Фото: akorda.kz

Президент құрғақшылыққа қарамастан жоғары өнім жинап, қамбаны астыққа толтырған диқандарға ризашылығын білдірді, деп жазады inbusiness.kz сайты.

"Баршаңызға мәлім, бүгінде ауыл шаруашылығы мамандары ауыл әлеуетінің артуына, тұтас мемлекетіміздің өсіп-өркендеуіне мол үлес қосуда.

Сіздер ата кәсіпті абыроймен атқарып, ұлтымыздың игілігін еселеп жүрсіздер.

Ауа райы қолайсыз болғанына қарамастан, биыл да ел қамбасы астыққа толды. Күзгі жиын-терінде еліміз бойынша 24,5 миллион тонна дақыл жиналды.

Егіннің бітік болуы – молшылық пен тоқшылықтың кепілі. Бұл – еліміздегі әр шаңырақ ырысқа кенеліп, дастарханымыз берекелі болады деген сөз.

Мен бүгін диқандар қауымына және осы салада еңбек етіп жүрген барша азаматқа алғыс айтамын", – деді Президент. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу