Шілде айында Бурабайдағы туристер саны шамамен 2 есеге өсіп, 550 мың адамға жетті (2021 жылы – 300 мың адам).
І жартыжылдықтың қорытындысы бойынша Алматы тау кластерінің ұлттық парктеріне келушілер саны 50%-ға артқан.
Сондай-ақ өткен жылдың сәйкес кезеңімен салыстырғанда "Шымбұлақ" тау курорты туристерінің саны екі есеге өскен.
Осыған байланысты жұмсақ инфрақұрылымға, әсіресе курорттық аймақтардың тазалығына жүктеменің артуы байқалады. Бурабай, Алакөл, Имантау-Шалқар курорттық аймақтарында, Алматы өңірінің ұлттық парктерінде, Маңғыстауда қоқыс контейнерлері жетіспейді.
ҚР Премьер-Министрінің орынбасары Ералы Тоғжанов бір күндік мерзімде ұлттық парктер мен курорттық аймақтардың аумағынан қатты тұрмыстық қалдықтардан тазарту мерзімін ұлғайта отырып шығаруды, сондай-ақ қатты тұрмыстық қалдықтарды жинау үшін қосымша контейнерлер орнатуды тапсырды.
