/img/tv1.svg
RU KZ
FTSE 100 5 671,96 РТС 1 014,44
Hang Seng 23 497,47 KASE 2 224,17
DOW J 21 921,63 Алтын 1 594,00
Биыл елімізде 120 млн тонна көмір өндіру жоспарланған

Биыл елімізде 120 млн тонна көмір өндіру жоспарланған

Ішкі нарыққа 82 млн тонна, экспортқа 38 млн тонна көмір жеткізіледі. 

26 Наурыз 2020 14:11 46

Биыл елімізде 120 млн тонна көмір өндіру жоспарланған

Қазақстанда 2020 жылы 120 млн тонна көмір өндіру жоспарланған,  деп хабарлады Индустрия және инфрақұрылымдық даму министрлігінің баспасөз қызметі. Осылайша елдің ішкі нарығына 82 млн тонна, экспортқа 38 млн тонна көмір жеткізілмек. 

Ал биылғы жылдың қаңтар-ақпан айларында отардық компаниялар 18,3 млн тонна көмір өндірді. Энергия өндіруші кәсіпорындарға 10,4 млн тонна, өнеркәсіптік кәсіпорындарға 936,8 мың тонна көмір жеткізілді. Ал, коммуналдық-тұрмыстық қажеттіліктер мен халыққа 1,4 млн тонна көмір жөнелтілді. Сонымен қатар экспортқа 4,6 млн тонна «қатты отын» жіберілді.

«Көмір энергетикалық және өнеркәсіптік кәсіпорындарға тікелей шарт бойынша көмір разрездерінің бағасымен жіберіледі. Коммуналдық-тұрмыстық тұтынушылар және халық үшін көмірдің негізгі көлемі тауар биржалары арқылы сатылады. Коммуналдық-тұрмыстық қажеттілік және халық үшін көмір бағасы көмір разрезінің жөнелту бағасынан, тасымалдауға кеткен темір жол тарифтерінен, жылжымалы құрамды күтіп-ұстау, көмірдің биржалық құнынан, сондай-ақ халыққа жеткізетін делдалдық ұйымдардың және жеке тұлғалардың маржасынан қалыптасады», –деп жазылған хабарламада. 

Жалпы елімізде көмір өнеркәсібін дамыту мақсатында өткен жылы «Қазақстан Республикасының көмір саласын дамыту жөніндегі 2019-2021 жылдарға арналған Жол картасы» бекітілді. Сондай-ақ «2019-2020 жылдарға арналған коммуналдық-тұрмыстық қажеттіліктер мен халыққа арналған көмір өнімдеріне қажеттілік жоспары» жасалды. 2020 жылғы 20 наурыздағы жағдай бойынша жылдық жоспарға (2019 жылғы 1 мамырдан бастап 2020 жылғы сәуірге дейін) сәйкес көмір қорымен қамтамасыз ету көрсеткіші 99,7%-ды құрайды.

Құралай Құдайберген

inbusiness.kz-ті қараңыз, оқыңыз :

Электр тарифі қымбаттауы мүмкін

Бұған 1 қаңтардан бастап көтерілген көмір бағасы әсер етіп отыр.

30 Қаңтар 2020 16:37 149

Электр тарифі қымбаттауы мүмкін

Осы жылдың басынан бастап Қазақстанда көмір қымбаттады. Осыған байланысты жылдың ІІ-тоқсанында электр энергиясының бағасы көтерілуі мүмкін, деп хабарлайды zakon.kz.

1 қаңтардан бастап көмір бағасы көтерілді. «СЕВКАЗЭНЕРГО» АҚ бас директоры Игорь Татаровтың айтуынша, қазір компания бір тонна көмірді 2389 теңгеден алып жатқанын, ал өткен жылы оны 2174 теңгеден алғандарын айтты. Олар «Богатырь Көмір» ЖШС-дан көмір алады екен.

«Енді біз – Қазақстандағы энергетия өндірушілер сол шот-фактураны алып, жылу энергиясының қымбаттағанын айтып, Энергетика министрлігіне және Табиғи монополияларды реттеу департаментіне баруымызға тура келеді. Тұтынушы үшін жылу бағасы шамамен 2 пайызға қымбаттайды, ал электр энергиясы көмірдің өзіндік құнына байланысты 2 пайызға қымбаттайды», – деді ол.

Ол көмір жеткізуші компания бағаны көтеріп отырғандықтан басқа ештеңе істей алмайтындарын жеткізді.

«Біз дауласа алмаймыз, өйткені балама отын жоқ. Егер электр энергиясын, жылуды сату қызметтерін мемлекет реттесе, онда мемлекет көмірдің құнын реттемейді, мұның өзі қисынсыз ғой»,– дейді Игорь Татаров.

Бас директор атап өткендей, қаңтар-ақпан айында олардың компаниясы шығынға ұшырауы мүмкін. Содан кейін ұйым Энергетика министрлігіне шығып, өзіндік құн бойынша тарифті көтеруді сұрайды. Сол кезде Қазақстан электр қуатының тарифі өсуі мүмкін.

«Бұл наурыз айында болатын шығар. Жылына бір рет министрлік алдында біз бағаның өзіндік құнын қорғап отырамыз. Бұл әдетте бірінші тоқсанда болады, мүмкін наурыз айында болады. Барлық ұйымдар келіп, өзіндік құнын дәлелдейді»,– деді ол.

Еліміздің оңтүстігінде көмір қымбаттады

Биылғы жылдың 10 айында кеніштерден 93 млн тоннаға жуық көмір шығарылған. Бұл былтырғы жылдағымен салыстырғанда 3 пайызға аз.

21 Қараша 2019 16:09 350

Еліміздің оңтүстігінде көмір қымбаттады

Оңтүстік өңірлерінде көмір қымбаттады. Бір айда тас көмірдің бағасы шарықтаған ірі қалалар қатарында Талдықорған, Тараз бен Түркістан бар, деп хабарлайды Atameken Business.

Мамандардың пайымдауынша, бұған өндіріс көлемінің кемуі себеп болған. Биылғы жылдың 10 айында кеніштерден 93 млн тоннаға жуық көмір шығарылған. Бұл былтырғы жылдағымен салыстырғанда 3 пайызға аз.

Ал бұған дейін өндіріс екі жыл қатарынан артқан еді. Оңтүстік өңірлерде бағасы тоннасына 14 мың теңгеден асып кетсе, ең арзаны Семейде – сегіз жарым мың теңге шамасында. Ал ең қымбаты Оралда, тоннасы – 18 мың теңгеден астам.

Жаңалықтарға жазылу: