Қазақстанда 2021 жылдың қаңтар-қыркүйек айларында 610 120 жеңіл автокөлік тіркелген, бұл 2020 жылдың сәйкес кезеңімен салыстырғанда 8,6%-ға артық, деп хабарлайды inbusiness.kz Ұлттық статистика бюросына сілтеме жасап.
2021 жылғы 1 қазандағы жағдай бойынша Қазақстанда тіркелген жеңіл автомобильдердің саны 3824,2 мың бірлікті құрады.
Бұл ретте 10 жылдан асқан автомобильдер – 360 148 бірлік (2020 жылы – 341 187), 7 жылдан асқан автомобильдер – 77 417 (2020 жылы – 51 383), үш жылдан асқан автомобильдер – 64 903 бірлік (2020 жылы – 86 033), үш жылдан аспаған автомобильдер – 108 656 бірлікті (202 жылы – 83 149) құрады.
Аталған кезеңде 9 422 жол-көлік оқиғасы тіркеліп, 13 844 адам зардап шекті. Өткен жылдың сәйкес кезеңімен салыстырғанда апат саны 5,5%-ға ұлғайды.
Көлік құралдарының иелері сақтандыруға 27,2 млрд теңге сомасына 60 482 сақтандыру төлемін жүзеге асырды.
