Мемлекет басшысы Қасым-Жомарт Тоқаев жиын қатысушыларына арнайы Үндеу жолдады. Президент мұнай-газ секторы Қазақстанның әлеуметтік-экономикалық дамуында шешуші рөл атқаратынын атап өтті, деп жазды inbusiness.kz.
"Мұнай-газ секторы Қазақстанның әлеуметтік-экономикалық дамуында шешуші рөл атқарады. Тәуелсіздік жылдарында бұл салаға 200 миллиард доллардан астам тікелей шетелдік инвестиция тартылды. Бүгінде елімізде газ және мұнай-химия өнеркәсібін дамытуға ерекше мән берілуде. Сонымен осы жылдың қазан айында қуаттылығы жылына 500 мың тонна полипропилен шығаратын Орталық Азиядағы ең ірі зауытты іске қосу жоспарлануда. Қазақстан ТМД-дағы Париж келісімін ратификациялаған бірінші мемлекет. Біздің еліміз алдына 2060 жылға қарай көміртегі бейтараптығына қол жеткізу мақсатын қойып отыр. Оны жүзеге асыру үшін арнайы ұзақ мерзімді стратегия қабылданады", – деп жазылған Мемлекет басшысының Үндеуінде.
