Жыл басынан елімізге шет мемлекеттерден 83,4 млрд теңге ақша аударылған, деп хабарлайды Atameken Business.
Үш айдың қорытындысы бойынша, ең көп қаржы Ресейден жіберілген. Көлемі – 36 млрд теңге. Транзакциялар саны өткен жылға қарағанда 23,8 пайызға артып, 193 мыңға жетті.
Екінші орында 15 млрд теңгемен Корея Республикасы тұр. Бұл елден жасалған транзакциялар саны – 39,3 мың.
Қазақстанға қомақты қаражат аударылған елдердің ішінде Өзбекстан, Қырғызстан, АҚШ, Германия, Түркия, Тәжікстан және БАӘ бар.
Ал бір шоттан екіншісіне тікелей қаржы аудару көлемі 10 пайызға артып, 1,5 млн-ға жеткен.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
