Биыл елордада 1-сыныпқа 26 мың оқушы барады

560

2020-2021 оқу жылындағы оқушылардың жалпы саны 193 мыңды құраса, 2021-2022 оқу жылында 215 мың бала білім алған. Биыл 230 мың оқушыны құрамақ.

Биыл елордада 1-сыныпқа 26 мың оқушы барады

Нұр-Сұлтан қаласында 1-сыныпқа 26 мыңға жуық оқушы барады.

Бұл туралы Нұр-Сұлтан қаласы Білім басқармасының басшысы Қасымхан Сенғазыев хабарлады, деп жазады inbusiness.kz.

"Оқулықтарға қатысты айтатын болсақ, мектеп қорында 1-11 сыныптарға арналған 2,5 млн-нан астам оқулықтар бар. Ағымдағы жылы мектептерлегі кітапхана қоры 2-сыныптарға арналған жаңа форматта шығарылған оқулықтармен жаңартылып толықтырылады. Ол кітаптар мектептерге 12 тамыздан бастап жеткізіле бастайды. 15 тамыздан бастап 2-сыныптарға және басқа сыныптардың барлығына кітаптар үлестіріледі. 25 тамызға дейін елордадағы барлық оқушы кітаптармен қамтамасыз етіледі. Бала санының артуына байланысты 1 млн-нан астам қосымша оқулықтар сатып алынады", – деді басқарма басшысы.

Қасымхан Сенғазыев қыркүйек айында жалпы саны 6 мың орынды құрайтын 2 мектеп ашылатынын да атап өтті. Қалада үш ауысыммен оқытатын 4 мектеп, ал 15 мектептегі оқушы саны шамадан тыс көрінеді. 

Жыл соңына дейін 23 мың орынға арналған 11 мектеп пайдалануға берілмек.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу