Елімізде газбен жүретін көліктер саны күн санап артып келеді. Мәселен биылғы жылдың алғашқы жартысында 89 592 темір тұлпарға газ баллоны орнатылыпты. Бұл Қазақстанда қаңтар-маусым айларында тіркелген барлық автокөліктердің 15,9 % құрайды, деп хабарлайды Atameken TV.
Өткен жылдың балама уақытымен салыстырғанда аталмыш отын түрін пайдаланған көліктер саны биыл 44,5 пайызға артыпты.
Газ орнатыған көліктердің 73 008-і жеңіл көлік, 13 694-і жеңіл коммерциялық техника, ауыр коммерциялық техника – 2273, 617-і автобус.
Айта кетсек, елімізде газдың бағасы ең төмен өңірлер Маңғыстау мен Ақтөбе облысы. Ал ең қымбат көгілдір отын - 25 мың теңге, Алматы қаласы мен Алматы облысында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
