Шекаралас мемлекеттермен жолаушылар тасымалын қамтамасыз ету мақсатында жыл басынан бері 11 жаңа бағыт ашылды. Бұл туралы Ташкентте өткен Халықаралық көлік дәліздерінің жүйесіндегі Орталық Азияның орны: стратегиялық перспективалары мен іске аспаған мүмкіндіктер" атты халықаралық конференцияда Қазақстан тарапынан қатысқан ҚР ИДМ көлік комитетінің төрағасы Әсет Асавбаев айтты.
Биыл Жетіқара - Екатеринбург, Теміртау-Красноярск, Қарағанды-Новосибирск, Петропавл-Сургут, Қант-Қара суу, Тоқмақ-Масанчи, Шымкент-Ташкент, Алматы-Ташкент, Қызылорда-Ташкент, Үшқоңыр-Ташкент, Үшқоңыр-Нүкіс бағыттары ашылған.
2018 жылдың 8 айында қазақстандық тасымалдаушылар халықаралық автобус бағыттары бойынша 690 мың жолаушыны тасымалдады. Соның ішінде Ташкент бағытында 40 мың жолаушы тасымалданған.
Қазақстан арқылы транзитті дамыту 2015-2019 жылдарға "Нұрлы жол" инфрақұрылымды дамыту бағдарламасы аясында жүзеге асырылуда. Оны іске асыру аясында "Батыс Еуропа – Батыс Қытай" халықаралық транзиттік дәлізінің құрылысы аяқталды. Жүк тасымалдау көлемін ұлғайту және транзитті 2,5 есеге арттыру, жолға кететін уақытты 2 есе қысқарту, жол апатын 27%-ға төмендетудің арқасында Дәлізіді пайдаланудан экономикалық пайданың жылдық орташа көрсеткіші 190 млрд теңгеден астам соманы құрайды.
