2019 жылдың қаңтар айында Қазақстаннан шетелге 37,9 миллиард теңге ақша аударылды. Бұл өткен жылдың сәйкес кезеңімен салыстырғанда 6,1 пайызға жоғары, деп хабарлайды 24.kz.
Қаржы аудару жүйесі арқылы қазақстандықтар көбіне ақшаны Ресейге жолдаған. Бұл елге кеткен қаржы елден аударылған жалпы соманың 38,7 пайызын құрайды. Бір ғана қаңтар айында елімізден Ресейге 14,7 миллиард теңге аударылған.
Екінші және үшінші орын Өзбекстан мен Түркия мемлекеттерінің үлесінде. Себебі екі мемлекетке жөнелтілген қаржының көлемі шамалас: 4,8 миллард теңгеден келеді.
Төртінші орында Қырғызстан – 4,4 миллиард.
Бестікті Қытай қорытындылап тұр. Бұл елге Қазақстаннан 3,4 миллиард теңге аударылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
