Қарағандыда жаз соңына дейін 72 шақырым жол төсемін жөндеу жоспарлануда. Биылғы жылы басты назар жеке сектордың қара жолдарын асфальттауға аударылады. Жол жөндеу бойынша ең үлкен жоба – Ғарышкерлер көшесін қайта құру. Ол екі жылға есептелген. Жұмыстар Бұқар жырау даңғылынан Вавилов көшесіне дейінгі аралықта басталды. "Kvintec construction" ЖШС мердігер компаниясы Высоковольтная көшесіне дейінгі жолды төрт жолаққа дейін кеңейтуі тиіс, деп жазады inbusiness.kz қала әкімдігіне сілтеме жасап.
– Жоба тек жолды қайта құруды ғана емес, сонымен қатар нөсерлі кәрізді салуды да көздейді. Қазір асфальт төсеуге шамамен 300 метр дайын, – дейді "Kvintec construction" ЖШС жоба жетекшісі Геворг Согоян. – Біз жолды бөліктерге бөлеміз. Биыл шамамен 1,2 шақырымды аяқтауды жоспарлап отырмыз. Жолдың ұзындығы шамамен 3,7 шақырым. Біз мұнда ресейлік битумды қолданамыз, ол жоғары сапалы. Қайта жөндеу кепілдігі – бес жыл. Біздің компания нарықта 20 жыл жұмыс істеп келеді. Жұмыстың сапалы жұргізілетініне уәде береміз.
Сондай-ақ, Ғарышкерлер көшесін қайта құру жобасы техникалық тротуарларды жайластыруды және жарықтандыру тіректерін ауыстыруды көздейді. Нөсер арналарының бойында автономды тазарту инженерлік құрылыстары – НТҚ орнатылады.
Жаңа нөсерағарлар Вавилов көшесінде, сондай-ақ Нефтебаза аймағында салынады. Құрманғазы, Орск және Резник көшелерінде 15 км нөсер кәрізін салу жеке аулаларды еріген қар суы басу мәселесін шешуге мүмкіндік береді.
– Біз Бұқар жырау даңғылын – 16-шы дүкеннен К. Дүйсембеков көшесіне дейін орташа жөндеуге кірістік. Өткен жылы ол бөлікте шұңқырлар жөнделді. Көктемде көптеген шағымдар келіп түсті. 17 маусымнан бастап дүйсенбіге дейін біз бұл жол учаскесін толығымен жабамыз. Онда асфальттың жоғарғы қабатына ШМА салынады. Қолайсыздық үшін тұрғындардан алдын ала кешірім сұраймыз, – дейді Қарағанды ТКШ бөлімі басшысының м. а. Григорий Ботнарь. –
Бұқар жырау бойынша тағы екі учаскені – Ермековтен Н. Әбдіров даңғылына дейін және Назарбаевтан Чкалов көшесіне дейін қамтуды жоспарлап отырмыз.
Сонымен қатар, қалада Республика даңғылы (Гудермесская көшесі – К. Дүйсмебеков көшесі), Шахтерлер (Тәттімбет көшесі – Республика даңғылы), Н. Әбдіров (Гоголь көшесінен Назарбаев даңғылына дейінгі кіші жолағы) және Гудермесская, Солнечная, Әлиханов көшелеріндегі автожолдарды орташа жөндеу жоспарланған.
Хабарланғандай, биыл Қарағанозек (Үлкен Михайловка) станциясындағы теміржолдың үстінен жаяу жүргіншілер көпірі салынады.
