Биылғы жылдың қаңтар-қазан айлары аралығында мәдениет, ойын сауық, демалыс салаларының негізгі капиталына салынған қаржы көлемі рекордтық
240,1 млрд теңге көрсеткішіне жетті. Бұл өткен жылдың осы кезеңінен 2 есе жоғары, деп хабарлады finprom.kz.
2019 жылдың қорытындысы бойынша аталған салаға тартылған инвестиция көлемі 153,7 млрд теңге болған еді.
Қаржының 90%-ы жеке қаражат және жергілікті бюджет есебінен бөлінген. Яғни, 164,7 млрд теңге (өткен жылдан 3 есе жоғары) мен 52,5 млрд теңге (+19,2%).
Ал республикалық бюджет есебінен салынған инвестиция 5,4 есе өсіп, 17,3 млрд теңгеге жетті.
Өңірлер бойынша ең жоғары 93,2 млрд теңге көрсеткіші - Түркістан облысында тіркелген. Бұл сома өткен жылдан 17,4 есе жоғары. Одан кейінгі орында елорда (54,5 млрд теңге) мен Алматы облысы (22,3 млрд теңге) тұр.
Құралай Құдайберген
