Әлемде және Қазақстанда коронавирус жұқтыру дерегі азайса, магистранттарды шетелге тағылымдамаға жіберу мәселесі қаралады. Бұл туралы білім және ғылым вице-министрі Шолпан Каринова айтты, деп хабарлайды inbusiness.kz тілшісі.
Алдымен вице-министр университет студенттері биыл жазда өндірістік тәжірибеден өтетінін атап өтті.
"Студенттер қазірдің өзінде өндірістік тәжірибеден өтіп жатыр. Ол жұмыс графикке сәйкес жүргізіледі", - деді ол орталық коммуникациялар қызметінде өткен баспасөз мәслихатында.
Сондай-ақ Шолпан Каринова биыл магистранттарды шетелге тағылымдамаға жіберу мәселесі қалай шешілетінін түсіндірді.
"Қазіргі таңда студенттерге шетелге шығуға шектеу қойылған. Алайда әлемдегі және еліміздегі санитарлық-эпидемиологиялық жағдай тұрақталса, бұл мәселе шешімін табады", - деп түйіндеді сөзін вице-министр.
Дәурен Ерболат
