Қазақстан мұсылмандары діни басқармасы биыл Рамазан айы 23 наурызда басталатынын мәлімдеді, деп жазады inbusiness.kz.
Ал сәуір айының 17-нен 18-не қараған түн – Қадір түні. 21 сәуір – ораза айт мерекесі.
"Біз Орталық Азия елдерінің мүфтилерімен, ондағы пәтуа саласына жауапты ғалымдармен ақылдаса келе және ғылыми зерттеулер нәтижесін ескеріп, ортақ шешім қабылдадық", - деді бас мүфти Наурызбай қажы Тағанұлы.
Одан бөлек, мүфтият биыл Қазақстанда пітір мөлшерін 535 теңге деп белгіледі. Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды.
Бас муфти пітір садақасын құрма, мейіз бағасымен де беруге болатынын да айтты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
