/img/tv1.svg
RU KZ
Hang Seng 27 316,53 DOW J 28 998,32
FTSE 100 7 403,92 РТС 1 524,71
KASE 2 373,34 Алтын 1 645,90
Биыл рекордтық көлемде мұнай өндірілді

Биыл рекордтық көлемде мұнай өндірілді

2018 жылы мұнай өндіру көлемі 90,3 млн тоннаны құрады.

26 Желтоқсан 2018 13:57 418

Биыл рекордтық көлемде мұнай өндірілді

Қазақстанда 2018 жылы мұнай өндіру көлемі 90,3 млн тоннаны құрап, өткен жылмен салыстырғанда 4,7 пайыздық өсімді көрсеткен. Мұнай өндірісінің көлемі, осылайша, рекордтық көрсеткішке ие болып отыр, деп хабарлайды ҚазАқпарат.

«Жедел келіп түскен мәліметтерге сәйкес, 2018 жылғы мұнай өндіру көлемі 90,3 млн тоннаны құрайды. Бұл - бұрын болмаған рекорд. 2017 жылмен салыстырғанда биылғы өндіріс 4,7 пайыздық өсімді көрсетті (2017 жылы - 86,2 млн тонна). Оның ішінде, үш ірі жоба бойынша мұнай өндіру көлемі 53,9 млн тоннаны құрайды. Нақтырақ айтқанда, Қашағанда - 13,2, Теңізде - 28,6, Қарашығанақта - 12,1 млн тонна мұнай өндіріледі (2017 жылға 100,8%)», - деді Қанат Бозымбаев ОКҚ-да өткен баспасөз мәслихатында.

Министрдің айтуына қарағанда, мұнайдың экспорттық көлемі 71,5 млн тоннаға жеткізілсе, мұнай өңдеу көлемі 16,1 тоннаны құрайды.

«Сонымен қатар, газ өндіру көлемі жоспарланған көрсеткіштен жоғары болып, 54,8 млрд текше метрге жеткізілді. Тауарлық газ өндірісі - 33 млрд текше метр көлемінде, 4,4 пайыздық өсімді көрсетеді», - дейді ол.

Қанат Бозымбаевтың мәліметінше, сұйытылған мұнай газ өндірісі 2017 жылға қарағанда 3,4 пайызға өсіп, 3 млн тоннаға жеткізілген.

«Газдың экспорт көлемі 2017 жылмен салыстырғанда 10,4 пайызға артып, 19 млрд текше метрді құрайды. Экономикалық ынтымақтастық аясында Қытай бағытына қарай жыл сайын 10 млрд текше метр көлемінде газды экспорттау туралы келісімге қол жеткізілді. 2017 жылда Қытайға 1,1 текше метр көлемінде газ экспортталып, ал 2018 жылы экспорт көлемі 5,8 млрд текше метрге артты», - дейді Қанат Бозымбаев.

inbusiness.kz-ті қараңыз, оқыңыз :

Қазақстан таеквондо федерациясы биылғы маусымды қорытындылады

Биыл таеквондошылар 15 халықаралық жарысқа қатысып, жалпы есебі 20 алтын, 20 күміс және 27 қола медаль жеңіп алды. 

17 Желтоқсан 2018 11:59 406

Қазақстан таеквондо федерациясы биылғы маусымды қорытындылады

Қазақстан таеквондо федерациясының Атқарушы комитеті 2018 жылды қорытындылады. Федерация басшылығы биылғы жылдың үлкен жетістіктерге толы болғанын мәлімдеген деп хабарлайды Olympic.kz. 

2018 жылы таеквондодан Қазақстан ұлттық құрамасы 10 оқу жаттығу-жиынын өткізді. Оның сегізі ел аумағында өтсе, екеуі шетелде жоспарланды. Қарашаның 13-21 аралығында Дубайда (БАӘ) өткен оқу-жаттығу жиынына 10 спортшы мен 4 жаттықтырушы қатысқан. 

Жазғы Азия ойындарында Қазақстан таеквондошылары бұрын-соңды болмаған көрсеткішке қол жеткізіп, 5 медаль иеленді. Атап айтар болсақ, Дениз Жансель мен Руслан Жапаров күміске қол жеткізсе, Нұрлан Мырзабаев, Ерасыл Қайырбек және Фариза Алдоңғарова қола медаль тағынды. 

2018 жылғы маусымда Қазақстан аумағында таевондодан 13 ірі жарыс өткізілді. Оның ішінде Мұстафа Өзтүрікті еске алуға арналған халықаралық жарыс, Астананың 20 жылдығына арналған Astana Open халықаралық турнирі, Азияның бірінші ашық чемпионаты сынды дүбірлі додалар бар. 

Вьетнамның Хошими қаласында өткен Азия чемпионатында Смайыл Дүйсебай чемпион атанса, Руслан Жапаров күміс, Айтуар Шайкенов пен Мереке Жүнісова қола медальға иелік етті.

Таеквондо федерациясы Қазақстан ҰОК қолдауымен ұлттық құрама спортшыларына медициналық көмек көрсетіп, дұрыс тамақтану тәртібін жолға қойған. 

Сондай-ақ, төрешілер корпусы да күшейтілді. Биылғы маусымда 43 төреші аккредитациядан өтті. Оның ішіндегі 18 төрешінің халықаралық дәрежедегі категориясы бар екенін ескеру керек. 25 төреші 1 дәрежелі ұлттық категория иегері. 2017 жылмен салыстырғанда, төрешілер саны 5 пайызға өсті. 

Халықаралық таеквондо федерациясындағы ребрендингке байданысты «Қазақстан таеквондо федерациясы (WT)» логотипті жаңартты. Шешім бойынша «WTF» аббревиатурасынан «F» әрпі алынып тасталды. 

Батуттағы гимнастикадан ұлттық құраманың бас бапкері биылғы жылды қорытындылады

Биыл Қазақстан батут гимнастикасы тарихында тұңғыш рет Азия ойындарының қола медалін иеленді.

13 Желтоқсан 2018 12:25 309

Батуттағы гимнастикадан ұлттық құраманың бас бапкері биылғы жылды қорытындылады

Батуттағы гимнастикадан Қазақстан ұлттық құрамасының бас бапкері Сергей Вертянкин спортшылардың биылғы маусымдағы көрсеткіштерін қорытындылады, деп жазады Olympic.kz. 

Биылғы маусымда батуттағы гимнастикадан Қазақстан спортшылары әлем кубогінің үш кезеңіне және Азия ойындары мен Азия, әлем чемпионаттарына қатысты.  

Құрлықтың кешенді жарысына Пірмаммад Әлиев (Шымкент) пен Данил Мұсабаев (Қарағанды) дайындалды. Өкінішке қарай, тізесін жарақаттап алған Мұсабаев Джакартадан сырт қалған болатын.

«Азия ойындарында батуттан ерлер арасында бір медаль жиынтығы сарапқа салынды. Жүлдеге Қытай, Жапония, Өзбекстан, Индонезия, Қазақстан және Солтүстік Кореядан 10 спортшы қатысты. Әлиев іріктеу кезеңінде 103.470 ұпаймен 5-ші орын иеленді. Ал финалда еркін бағдарламаны сәтті орындап, Қазақстандағы батут гимнастикасы тарихында тұңғыш рет Азия ойындарының қола медалін иеленді», –  дейді бапкер.  

27-28 сәуір күндері Италияның Брешиа қаласында өткен бірінші кезеңде Әлиев/Мұсабаев жұбы қола жүлдегер атанды. Пірмаммад Әлиев жекелей сында финалға өтіп, үздік бестікке енді. Әлем кубогінің екінші кезеңі спортшыларымыз үшін аса сәтті болған жоқ, ал Жапонияда өткен үшінші кезеңде Әлиев/Грачев жұбы 5-ші орын иеленді. 

Ал жасөспірімдер мен ересектер арасындағы Азия чемпионатында Пірмаммад Әлиев Азия чемпионы атанса, Данияр Түсіпов қола медальға иелік етті. Санкт-Петербургте өткен әлем чемпионатында Әлиев 16-орын иеленді. Ал акробатикалық жолақта Александр Ромахов 12-сатыдан көрінді.

«Батуттағы гимнастикадан Қазақстан құрамасы биылғы маусымда сәтті өнер көрсетті деп айтуға толықтай негіз бар. Бүгінде спортшылардың нәтижесі жақсарып, жас өрендер өсіп келеді. Алдағы жылы Токио Олимпиадасына екі жолдама алу міндеті тұр. Сол себепті, лицензиялық турнирлер қарсаңында спортшылардың комбинацияларын қиындату көзделіп отыр», –  дейді Сергей Вертянкин. 

Жаңалықтарға жазылу: