Korter.kz сайтының мәліметтеріне сүйенсек, Қазақстанда 2015 жылы – 88, 2016 жылы - 148, 2017 жылы – 187, 2018 жылы – 226 жаңа үй салынған. Сарапшылар биыл бұл көрсеткіштер жоғарылайтынын айтуда. Себебі қазірдің өзінде елімізде 100-ден аса тұрғын үй кешені пайдалануға беріліп, тағы 181-і салынып жатыр.
2. Қазақстанда пәтерлердің бағасы қанша?
Еліміз бойынша ең қымбат үйлер Алматы қаласында. 1 қыркүйекте тіркелген статистика бойынша, оңтүстік шаһарда жаңа пайдалануға берілген үйдің шаршы метрінің орташа бағасы - 441 966,9 теңге. Ал елордамыз Нұр-Сұлтан қаласында - 332 393,6 теңге.
Қалалар бойынша пәтерлердің квадрат метрінің орташа бағасы:
1. Нұр-Сұлтан - 332 393,6 ₸ / м2;
2. Алматы - 441 966,9 ₸/м2;
3. Шымкент - 280 166,7 ₸/м2;
4. Қарағанды - 251 136,7 ₸/м2;
5. Қостанай - 163 444,9 ₸/м2 ;
6. Петропавл - 190 000,0 ₸/м2 ;
7. Ақтау - 180 469,1 - ₸/м2 ;
8. Атырау - 241 625,0 ₸/м2;
9. Өскемен - 179 800,0 ₸/м2 ;
10. Ақтөбе - 149 272,7 ₸/м2;
11. Тараз - 120 000,0 ₸/м2 ;
12. Павлодар - 160 000,0 ₸/м2;
13. Қызылорда - 185 000,0 ₸/м2;
14. Семей - 147 000,0 ₸/м2;
15. Орал - 189 000,0 ₸/м2;
16. Көкшетау - 224 000,0 ₸/м2.
Ал елордадағы ең арзан үйлер шаршы метріне 180-200 мың теңге тұрады. Алматыдағы ең төмен баға бір шаршы метріне 215-230 мың теңгені құрайды.
Нұр-Сұлтанда жаңа салынған тұрғын үй кешендерінен ең арзан 18 шаршы метр пәтерді 3,8 млн теңгеге аласыз. Ал ең қымбат тұрғын жай бағасы 1 млрд теңгеден асады. Бұл ақшаға Алматыдағы элиталық санаттығы тұрғын үй кешендерінің бірінен аумағы 500 квадрат метрден асатын, сән-салтанаты келіскен 5 бөлмелі пәтер иесі атануға болады.
