Өзбекстан Жоғары сотының баспасөз хатшысы Азиз Абидов мәлім еткендей, Әкімшілік жауапкершілік туралы кодекстің тұрмыстық зорлық-зомбылық бабы бойынша 4 343 адам жауапқа тартылды. Олардың ішінде 2 344-не айыппұл салынса, 1 999-ы әкімшілік қамауға алынған.
Ал Қылмыстық кодекстің 126-1-бабы бойынша (Қайталап жасалған немесе ауырлататын мән-жайы бар тұрмыстық зорлық-зомбылық) 134 адам сотталды. Оның 51-і бас бостандығынан айырылды, ал 83 адамға өзге де жаза тағайындалған.
Айта кетейік, жоғарыда аталған баптар Өзбекстан заңнамасына 2023 жылдың сәуірінде енгізілді. Өткен жылы олар бойынша 9 131 адам жауапқа тартылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
