Биыл мұнайдың бағасы жоғары болса, Ұлттық қорға 1-2 трлн теңге көлемінде қосымша түсім түсуі мүмкін. Бұл туралы Ұлттық экономика министрі Әлібек Қуантыров айтты, деп хабарлайды inbusiness.kz тілшісі.
"Қазір мұнайдың 1 баррелі 95-96 долларға көтерілді. Бізде болжам бар. Мысалы, мұнайдың 1 баррелі 89 доллардан артса, Ұлттық қорға 1 трлн теңгеден 2 трлн теңгеге дейін қосымша кіріс түсуі мүмкін. Әскери қақтығысты ескерсек (Ресей мен Украина арасындағы - автор), біз 2022 жылы ол 70 доллардан төмен түседі деп ойламаймыз. Менің ойымша, бір жылда орташа есеппен ол 80-85 доллар аралығында болады" - деді министр журналистермен кездесу барысында.
Сондай-ақ Әлібек Қуантыров Ресей-Украина шиелінісінің Қазақстан экономикасына салдары туралы айту әлі ерте екенін атап өтті.
Дәурен Ерболат
